کێشەیەکی نوێ؛ بەکارهێنەرانی “آیفون ١٨ پرۆ” باس لە گۆڕانی ڕەنگی ئامێرەکانیان دەکەن.
تەنها چەند هەفتەیەک دوای ئەوەی کۆمپانیای ئەپڵ مۆبایلی “آیفون ١٨ پرۆ”ی خستە بازاڕەوە، ژمارەیەک لە بەکارهێنەرانی ئەم ئامێرە سەرنجیان داوە بە گۆڕانکارییەکی روونی ڕەنگ لە مۆبایلەکانیانداتدا.
بەپێی ڕاپۆرتەکان، تێبینییەکانی بەکارهێنەران زیاتر لەسەر دەرکەوتنی نیشانەی گۆڕانی ڕەنگ بووە لە دەوروبەری کامێرا دواوەییەکاندا، بەتایبەت لە هەردوو ڕەنگی ڕەش و عەننابی (برگوندی)دا.
ژمارەیەک لە خاوەن ئامێرەکان وێنەیان لەسەر تۆڕە کۆمەڵایەتییەکان بڵاوکردووەتەوە کە دەریدەخەن ناوچەی دەوروبەری هاوێنەی کامێراکان کاڵ بووەتەوە و ڕەنگێکی پێوە دیارە کە دەچێتە سەر وەنەوشەیی یان پەمەیی، لە کاتێکدا ئامێرەکان بە وریاییەوە بەکارهێنراون و هیچ زیانێکی فیزیکییان پێ نەگەیشتووە.
نرخی “آیفون ١٨ پرۆ” لە ١١٩٩ دۆلار دەست پێ دەکات و نرخی “آیفون ١٨ پرۆ ماکس”یش لە ١٢٩٩ دۆلارەوە دەست پێ دەکات، ئەمەش وا لە بەکارهێنەران دەکات کە زیاتر داوای گۆڕینەوە یان گەڕاندنەوەی پارەکانیان بکەن لە ئەپڵ.
مۆبایلەکە پشکی بە ئاسنی ئەلمنیۆمی ئۆکسیدکراوی ڕەنگاوڕەنگ بەستووە، بەڵام هەندێک لە بەکارهێنەران ئاماژە بەوە دەکەن کە هەڵوەشاندنەوە یان پاککردنەوەی بەردوامیش چارەسەری کێشەکە ناکات و پەڵەکان دوای چەند خولەکێک دەگەڕێنەوە.
بەکارهێنەرانی ئەو مۆبایلانەی کە ڕەنگی زیویی یان شینی کاڵیان هەڵبژاردووە، تا ئێستا هیچ کێشەیەکی لەم شێوەیەیان نەبینیوە.
جێگەی باسە، لە ساڵی ڕابردووشدا کێشەیەکی هاوشێوە لەسەر “آیفون ١٧ پرۆ” بە ڕەنگی پرتەقاڵی گەردوونی دەرکەوتبوو کە ڕەنگەکەی دەگۆڕا بۆ پلەی پەمەیی، کە ئەوکاتیش ڕاپۆرتەکان هۆکارەکەیان بۆ کارلێکی کیمیایی لەگەڵ پاشماوەی دەست یان ماددە پاککەرەوەکان دەگەڕاندەوە.
