پۆلیسی گەرمیان ئاشكرای دەكات، كە بەهۆی بەرکەوتنی فیشەکەوە گەنجێک گیانی لەدەستدا.
عەقیدی پۆلیس، سۆران محەمەد، وتەبێژی پۆلیسی گەرمیان ڕایگەیاند، ئێوارەی ئەمڕۆ یەک شەممە لەقەزای ڕزگارییەوە تەرمی گەنجێک بەناوی ( ا – م – م ) لەدایکبووی 2003 هێنرایە پزیشکی دادی قەزای کەلار، کە بەهۆی بەرکەوتنی فیشەکەوە گیانی لەدەستدابوو.
ڕاشیگەیاندووە، بەوتەی کەسوکاری ناوبراو “بەچەکی جۆری دەمانچە فیشەکی بەخۆیەوە ناوە و لەئەنجامدا گیانی لەدەستداوە”.
دەشڵێت: لەئێستادا لەسەر هۆکار و چۆنێتی ڕووداوەکە پۆلیس دەستی بەلێکۆڵینەوە کردوە.