هاتوچۆی سلێمانی هۆشداری دەدات: ڕاگرتنی بارهەڵگر لە ناوچە نیشتەجێبوونەکاندا قەدەغەیە
بەڕێوەبەرایەتیی هاتوچۆی سلێمانی بڕیارێکی نوێی لەبارەی قەدەغەکردنی ڕاگرتنی ئۆتۆمبێلە بارهەڵگرەکان لە گەڕەک و کۆڵانەکاندا دەرکرد و جەخت لەوە دەکاتەوە کە ڕکاری یاسایی توند بەرانبەر سەرپێچیکاران دەگیرێتە بەر.
بەپێی ڕاگەیەندراوەکەی هاتوچۆ، ڕاگرتنی سوارڕەوە بارهەڵگرەکان بە هەموو جۆرەکانیانەوە لە ناوچەکانی نیشتەجێبووندا قەدەغەیە، بەهۆی ئەوەی مەترسیی گڕگرتن و ئاگرکەوتنەوەیان لێ دەکرێتەوە و دەبنە هۆی دروستکردنی قەرەباڵغی و بێزارکردنی هاووڵاتییان.
لە چوارچێوەی جێبەجێکردنی ئەم بڕیارەدا، مەفرەزەکانی هاتوچۆ لە هەڵمەتێکی بەدواداچووندان و هەر شۆفێرێک پابەند نەبێت، رووبەڕووی سزای توندی یاسایی دەبێتەوە.