لەگەڵ بەرزبوونەوەی پلەکانی گەرما لە هاویندا، سارێژکەری (مەکینەی) ساردیی ئۆتۆمبیل دەبێتە یەکێک لە بەشە هەرە گرنگەکان، بەڵام زۆرجار کاتێک هەواوەکەی وەک پێویست سارد ناکاتەوە، هۆکارەکەی دەگەڕێتەوە بۆ کەمبوونی غازی تبرید ناسراو بە “فریون”. غازی تبرید لە بازنەیەکی داخراودا دەسوڕێتەوە و بە بەکارهینان بەفیڕۆ ناچێت، هەر بۆیە کەمبوونەوەی نیشانەی بوونی تێكچوون یان دزەکردنە.
لێرەدا دیارترین ئەو نیشانانە دەخەینە ڕوو کە ئاماژەن بۆ کەمبوونی غازی مەکینەی ساردیی ئۆتۆمبیلەکەت:
لاوازبوونی ساردی و هاتنی هەوای گەرم: دیارترین نیشانە ئەوەیە کە هەوای دەرچوو لە کونیلەکانی ساردییەوە گەرمە یان بە پێویست سارد نییە، تەنانەت ئەگەر سیستەمەکەش لەسەر بەرزترین پلەی ساردی دانرابێت.
بوونی پەپکە لە پشکنیندا: شوشەی ڕووناکی (Sight Glass) کە لەسەر وشککەرەوەی شێ هەیە ڕێگەت پێدەدات دۆخی غازەکە ببینی؛ بوونی پەپکەی بەردەوام یان نەبوونی هیچ جووڵەیەک ئاماژەیە بۆ کەمبوونی توندی غازەکە.
کارپێکردن و وەستانی بەردەوامی کۆمپڕیسۆر: دابەزینی پەستانی غاز دەبێتە هۆی ئەوەی کۆمپڕیسۆرەکە بە خێرایی دەست بە کار بکات و بوەستێت، یان بە تەواوی بوەستێت بۆ ئەوەی پارێزراو بێت.
شوێنەواری چەوری و زەیتی دزەکرود: غازەکە تێکەڵ بە زەیتی تایبەت بە کۆمپڕیسۆر دەبێت، بۆیە هەر دزەکردنێک دەبێتە هۆی دروستبوونی پەڵەی چەوری لە دەوروبەری لولەکان و بەشەکانی تری سیستەمەکە.
بەستن و ساردبوونەوەی نائاسایی لولەکان: کەمبوونی غاز هەندێکجار دەبێتە هۆی دابەزینی پلەی گەرمای بەشێک لە سیستەمەکە، ئەمەش دەبێتە هۆی دروستبوونی سەهۆڵ یان زوقمی زیاد لە پێویست لەسەر لولە ساردەکان.
شارەزایانی بواری چاککردنەوە جەخت لەوە دەکەنەوە کە تەنها پڕکردنەوەی غاز بەبێ دۆزینەوەی شوێنی دزەکردنەکە چارەسەرێکی کاتییە و دەبێتە هۆی زیانگەیندن بە کۆمپڕیسۆرەکە و بەرزبوونەوەی تێچووی چاککردنەوە لە داهاتوودا. بۆیە پێویستە پێش هەر پڕکردنەوەیەک، پشکنینی ورد ئەنجام بدرێت بۆ چاککردنەوەی جێگەی دزەکردنەکە.