ئاگادارییەکی ئەوروپی بۆ کەرتی فڕۆکەوانی: داوا لە کۆمپانیاکان دەکرێت خۆیان لە ئاسمانی عێراق، ئێران و لبنان بەدوور بگرن
ئەمڕۆ دووشەممە (31ی ئابی 2026)، ئاژانسی سەلامەتیی فڕۆکەوانیی یەکێتیی ئەوروپا ئاراستەی هێڵە ئاسمانییەکانی کرد کە تاوەکو 30ی ئەیلوولی داهاتوو، لە ئاسمانی وڵاتانی عێراق، ئێران، لبنان و ناوچەکانی سەروو ئاوی کەنداو خۆیان بەدوور بگرن.
بەپێی ئەو ڕاپۆرتانەی کە لە ناوەندە میدیاییەکاندا بڵاو کراونەتەوە، ئەم ڕێوشوێنە لەسەر بنەمای هەڵسەنگاندنی بەردەوامی مەترسیسە ئەمنییەکان و لە پێناو پاراستنی گیانی سەرنشینان و تیمی فڕۆکەوانیی مدنی داهاتووە. لایەنە پەیوەندیدارەکانیش بەردەوام دەبن لە چاودێریکردنی دۆخی مەیدانی ناوچەکە بۆ ئەوەی لە کاتی کۆتاییهاتنی ماوەی دیاریکراودا، دووبارە هەڵسەنگاندن بۆ بڕیارەکە بکەنەوە.
لە ڕێنماییەکاندا جەخت لەوە کراوەتەوە کە پێویستە کۆمپانیاکانی فڕۆکەوانی مسار و هێڵی جێگرەوە بۆ ئەو گەشتانە بەکاربهێنن کە بەرەو ئەم ناوچەیە دەچن یان پێیدا تێدەپەڕن، ئەوەش بە مەبەستی دابینکردنی بەرزترین ئاستی سەلامەتی بۆ گەشتیاران و فڕۆکە تجارییەکان.