بە فەرمانی فەرماندەی گشتیی هێزە چەکدارەکان؛ ئاستی ئامادەیی سەربازی لە عێراق بەرزکرایەوە.
شانەی ڕاگەیاندنی ئەمنیی عێراق ڕایگەیاند کە بە فەرمانی فەرماندەی گشتیی هێزە چەکدارەکان، بڕیار دراوە ئاستی ئامادەیی ئەمنی و سەربازیی سەرجەم هێزەکان بەرز بکرێتەوە، بە مەبەستی چەسپاندنی ئاسایش و پاراستنی سەقامگیری و هاووڵاتییان.
ڕێنوێنییەکە لەلایەن عەلی فالح زەید دەرکراوە بۆ بەرزکردنەوەی ئاستی ئامادەکاریی جەنگی و ئەمنیی هێزەکان لە سەرانسەری وڵاتدا.
ئەم هەنگاوە ئەنجامدانی مەشق و ڕاهێنانی چڕ و جووڵەپێکردنی یەکە سەربازییەکان لە خۆدەگرێت.
شانەی ڕاگەیاندنی ئەمنی دووپاتی کردووەتەوە کە ئامانج لەم گۆڕانکارییانە بەهێزکردنی توانای هێزەکانە بۆ جێبەجێکردنی ئەرکەکانیان لە پاراستنی ئاسایش، سەقامگیری، هاووڵاتییان و بەرژەوەندییە گشتییەکان.