بەڕێوەبەرایەتیی نەوت و کانزاکانی هەولێر چەند ڕێنمایی و بڕیارێکی نوێ بۆ کارگە و گۆڕەپانەکانی غاز دەردەکات.
بەڕێوەبەرایەتیی نەوت و کانزاکانی هەولێر لە ڕێگەی ئاگادارییەکی فەرمییەوە، چەند ڕێنمایی و بڕیارێکی نوێی بۆ ڕێکخستنی کار و دابەشکردنی غاز ئاراستەی سەرجەم کارگە و گۆڕەپانەکانی غاز کرد.
بەپێی دەقی ئاگادارییەکە، بڕیارەکان بەم شێوازەی خوارەوەن:
سەرجەم کارگەکانی غاز ئاگادار دەکرێنەوە کە تەنها ڕێپێدراون غاز بۆ ئەم لایەنانەی خوارەوە پڕ بکەنەوە:
بریکارەکانی غاز: تەنها ئەو بریکارانەی کە خاوەنی تابلۆی حکومیی ڕەنگی (زەرد)ـن.
بارهەڵگرەکان: تەنها ئەو بارهەڵگرانەی کە خاوەنی تابلۆی ڕەنگی (شین)ـن و کۆدی تابلۆکانیان لەلایەن بەڕێوەبەرایەتیی نەوت و کانزاکانی هەولێرەوە دانراوە.
هۆشداری: بەپێچەوانەی ئەم ڕێنماییانەوە، ڕێگا بە هیچ بارهەڵگرێکی تر نادرێت لە کارگەکاندا غاز بار بکات.
ئاگاداری گشت گۆڕەپانەکانی فرۆشتنی غاز دەکرێتەوە کە:
جگە لەو بارهەڵگرانەی خاوەنی تابلۆی ڕەنگی (شین)ـن و کۆدی فەرمی بەڕێوەبەرایەتییەکەیان هەیە، نابێت غاز بدەنە هیچ بارهەڵگرێکی دیکە.
سزا: هەر گۆڕەپانێک سەرپێچی بکات و غاز بداتە بارهەڵگرێکی دەرەوەی ڕێنماییەکان، ڕووبەڕووی لێپێچینەوەی توندی یاسایی دەبێتەوە.
