بەهۆی بەرزبوونەوەی پلەکانی گەرما؛ دەوامی فەرمانبەرانی کەرکووک کەمدەکرێتەوە.
پارێزگاری کەرکووک بڕیاریدا کاتی دەوامی فەرمی سەرجەم فەرمانبەرانی پارێزگاکە کەم بکاتەوە، ئەمەش وەک ڕێکارێک بۆ ڕووبەڕووبوونەوەی شەپۆلی بەتینی سەرما و بەرزبوونەوەی پلەکانی گەرما.
بەگوێرەی ڕاگەیەندراوێکی فەرمی پارێزگاری کەرکووک کە ئەمڕۆ پێنجشەممە (١٦ـی تەمووزی ٢٠٢٦) بڵاوکراوەتەوە، گۆڕانکاری لە کاتژمێرەکانی دەوامدا کراوە بەم شێوازەی خوارەوە:
دەستپێکردنی دەوام: کاتژمێر ٧:٣٠ـی بەیانی.
کۆتاییهاتنی دەوام: کاتژمێر ١:٣٠ـی دوای نیوەڕۆ.
ئەم بڕیارە نوێیەی کەمکردنەوەی دەوامی فەرمانبەران لە ڕۆژی یەکشەممەی هەفتەی داهاتووەوە دەچێتە بواری جێبەجێکردنەوە و تاوەکو ٣١ـی مانگی ئابی داهاتوو بەردەوام دەبێت.
ئەم ڕێکارەی پارێزگاری کەرکووک لە کاتێکدایە کە ماوەی چەند ڕۆژێکە شەپۆلێکی گەرمای توند هەرێمی کوردستان و تەواوی پارێزگاکانی عێراقی گرتووەتەوە، بە شێوەیەک کە لە هەندێک ناوچە پلەکانی گەرما بەربەستی ٥٠ پلەی سیلیزیی تێپەڕاندووە.