گرتەیەکی ڤیدیۆیی ئۆتۆمبێلێکی “بی وای دی تانگ”ی چینی بڵاوبووەتەوە کە بە شەقامێکی لافاوگرتووی شاری شنیانگدا دەڕوات و بزوێنەرە کارەباییەکەی دواوەی کەوتووە.
بەپێی ماڵپەڕی “کار نیوز چاینا”، کۆمپانیای (BYD) ڕایگەیاندووە کە ئۆتۆمبێلەکە لە کاتی پەڕینەوەی لە ئاوەکەدا، بەبەهێزی بەر تەنێکی نووقمبووی ئاوەکە کەوتووە و ئەوەش بووەتە هۆی هەڵکەندنی یەکەی بزوێنەری دواوە.
کۆمپانیاکە جەختی کردووەتەوە کە ڕووداوەکە لە ئەنجامی پێکدادانەوە بووە نەک بەهۆی کەمکوڕی لە دروستکردندا.