هاتوچۆی گەرمیان بڵاویکردەوە، کەمێک پێش ئێستا، لەسەر ڕێگای کەلار ناحیەی باوەنور نزیک گوندی تازەدێ ئۆتۆمبێلێکی جۆری نیسان پیکاب، بەئاراستەی ناحیەی باوەنور ڕۆیشتووە، کۆنترۆڵی لەدەستداو وەرگەڕا، بەهۆیەوە شۆفێر و شەش سەرنشین برینداربوون.
باسی لەوەشکردووە: بریندارەکان لەدایک بووی ساڵەکانی 1956 و 1960 و 1990 و 2013 و 2011 لەگەڵ دوو منداڵی تەمەن نۆ ساڵان.
دەشڵێت: سەرجەم بریندارەکان گەیەنرانە نەخۆشخانەی فریاکەوتنی شەهید هەژار لەکەلار و لێکۆڵینەوە لە ڕووداوەکە لەلایەن تیمی هاتوچۆوە دەستیپێکردووە، بۆزانینی هۆکار و چۆنیەتی ڕووداوەکە.
