لیستی ناوەکان ئاشکرا بوو؛ ژمارەیەک پەرلەمانتار و بەرپرسی باڵا لەسەر دۆسیەی گەندەڵی دەستگیرکران
بەپێی ئەو زانیارییانەی ئاژانسی هەواڵی عێراقی بڵاویکردووەتەوە، لە چوارچێوەی هەڵمەتی بەدواداچوون بۆ دۆسیەکانی گەندەڵی و لەسەر بنەمای ئەو دانپێدانانانەی کە لەلایەن “جومەیلی”یەوە ئەنجامدراون، ژمارەیەک پەرلەمانتار و بەرپرسی باڵای حکومی دەستگیرکراون.
بەپێی لیستەکە، ئەو کەسانەی کە دەستگیرکراون پێکهاتوون لە:
موسەننا سامەڕائی: سەرۆکی هاوپەیمانی عەزم و ئەندامی پەرلەمان.
زیاد جەنابی، بەها نوری، محەمەد کەربولی، عالیە نوسەیف، محەمەد جەمیل میاحی، حەسەن خەفاجی، عەبدولڕەحمان لوێزی، موزەڕ کەرەوی، هیند عەباسی، محەمەد فەرمان جبوری، و بوشرا قەیسی: ئەندامانی پەرلەمانی عێراق.
محەمەد سەیھود: ئەندامی پێشووی پەرلەمان.
عەلی مەعارج: بریکاری وەزارەتی نەوت بۆ کاروباری دابەشکردن.
ئیبراهیم سومەیدەعی: کەسایەتی سیاسی.
ئەم دەستگیرکردنانە بەشێکە لەو ڕێکارە یاساییانەی کە دەزگا پەیوەندیدارەکان لەپێناو بەرەنگاربوونەوەی گەندەڵی و ڕووبەڕووبوونەوەی ئەو کەسانەی تێوەگلاون لە دەستدرێژیکردنە سەر سامانی گشتی گرتوویانەتەبەر.