ئاوات شێخ جەناب، وەزیری دارایی هەرێمی کوردستان لە کۆنفرانسێکی رۆژنامەوانیدا رایگەیاند، سێ کابینەی پێشووی حکومەتی فیدراڵ فشاری زۆری داراییان لەسەر هەرێمی کوردستان دروستکردووە.
ئاوات شێخ جەناب ئاماژەی بەوەشکرد، لەسەر دەستی ئەم کابینەیە و وەزارتی دارایی، ئێستا مووچەی هەموو مووچەخۆران لە پاشەکەوت دەرچووە و بە قەرز لەسەر حکومەتی هەرێمی کوردستان نووسراوە.
وتیشی: لەم کابینەیەدا توانیمان مووچە لە پاشەکەوتەوە بکەینە قەرز لەسەر حکومەت.
جەختیشی كردەوە، یەک دینار باج لە خەڵکی هەژار وەرنەگیراوە و شەفافیەتی حەوت ساڵی ڕابردوومان جێگەی شانازییە.