لە ئاکامی ڕووداوێکی هاتووچۆدا، شەش ئەندامی خێزانێک لە ڕێگەی دەربەندی ڕانیە بوونە قوربانی.
ئەمڕۆ سێشەممە، ئۆتۆمبێلێک لە ڕێگەی دەربەندی ڕانیە وەرگەڕا کە شەش ئەندامی خێزانێکی تێدا بوو کە لە ژن و پیاوێکی و چوار منداڵ پێکهاتبوون.
لە ڕووداوەکەدا ژنەکە و دوو منداڵی گیانیان لەدەستدا و پاشان منداڵێکی دیکەشی بە هۆی سەختی برینەکەیەوە لە نەخۆشخانە گیانی لەدەستدا.
هاوسەری ژنەکە و منداڵەکەی دیکەشیان لە ژێر چاودێری پزیشکیدان.
بە پێی دیمەنێکی ڤیدیۆیی کە لە کامێرای چاودێرییەوە تۆمارکراوە، ماتۆڕێکی سێ تایە دەردەکەوێت کە دەپەڕێتەوە ئەوبەری شەقامەکە، لەو کاتەشدا ئۆتۆمبێلەکە کۆنترۆڵ لەدەست دەدات و وەردەگەڕێت.
