تێچووی خەیاڵیی بینینی مۆندیالی ٢٠٢٦؛ بینینی یەک یاری نزیکەی ٢ هەزار دۆلاری تێدەچێت.
لەگەڵ دەستپێکی مۆندیالی ٢٠٢٦، بەهۆی بەرزیی نرخی خزمەتگوزارییەکان لە شارە گەورەکانی ئەمریکا، بینینی یارییەکان بووەتە ئەزموونێکی دارایی گرانبەها بۆ هاندەران. بەپێی ئەنجامی ئەزموونێکی مەیدانی کە لەسەر یاری نێوان مەغریب و بەرازیل ئەنجامدراوە، تێچووی یەک ڕۆژی هاندەرێک بۆ بینینی یارییەک بەم شێوەیەی خوارەوە بووە:
شوێنی مانەوە: تێچووی یەک شەو لە هۆتێلێکی ئاست مامناوەند لە ناوچەی مانهاتنی نیویۆرک، گەیشتووەتە ٢٥٠ دۆلار.
بلیت: بەهۆی خواستێکی زۆر لەسەر ئەم یارییە، نرخی بلیتەکە بە تەنیا ١٥٠٠ دۆلار بووە.
گواستنەوە: تێچووی گەیشتن بە یاریگە (لە مانهاتنەوە بۆ نیوجێرسی) بە ئۆتۆمبێلی “ئۆبەر”، ٨٣ دۆلار بووە.
خواردن و خواردنەوە: نرخەکان لە ناو یاریگەدا زۆر بەرزن؛ پارچەیەک “هۆت دۆگ” بە ٩ دۆلار و بوتڵێک ئاو بە ٥ دۆلار فرۆشراوە.
کۆی گشتی: بە هەژمارکردنی ئەم تێچووانە، هاندەرێک بۆ بینینی تەنها یەک یاری لەو ڕۆژەدا، بڕی ١٨٤٧ دۆلاری خەرج کردووە، ئەمەش بێ لەبەرچاوگرتنی خەرجییەکانی دیکەی وەک کڕینی کەلوپەل یان گواستنەوەی ناوخۆیی.
ئەم ئامارانە ئاستەنگی دارایی ئەو هاندەرانە دەردەخات کە دەیانەوێت لە نزیکەوە سەیری یارییەکانی مۆندیال بکەن، بەتایبەت لەو شارانەی ئەمریکا کە تێچووی ژیان تێیاندا زۆر بەرزە، کە ئەمەش وادەکات تێچووی بینینی یەک یاری بگاتە چەندین هەزار دۆلار.