نوێنەری ئیدارەی خۆسەر لە دیمەشق ڕایدەگەیەنێت، مافی گەلی كورد لەوە زیاترە، كە لە مەرسومێكی كۆماریدا هەیە و دەشڵێت: هەسەدە هەڵناوەشێتەوە، چونكە هێشتتا یەكگرتنەوەی هێزەكان بەردەوامە.
عەبدولکەریم عومەر، نوێنەری ئیدارەی خۆسەر لە دیمەشق ڕایگەیاند، دانیشتووانی ناوچەكان فڕۆکەخانە و دەروازە سنوورییەکان بەڕێوەدەبەن و هەوڵ بۆ جێبەجێ كردنی تەواوی ئەو ڕێككەوتنە دەدەین، كە واژۆمان كردووە.
وتیشی، ” مافی گەلی کورد لەوە زیاترە کە لە فەرمانە حكومییە دەرچووەکەدا هاتووە”.
جەختیشی كردەوە، ئیدارەی خۆسەر و هێزەکانی سووریای دیموكرات (هەسەدە) خۆیان هەڵنەوەشاندووەتەوە، بە لەبەرچاوگرتنی ئەوەی کە پرۆسەی یەکگرتن هێشتا بەردەوامە و هێشتا تەواو نەبووە.