لە کاتێکدا پلەی گەرمای زۆربەی ناوچەکانی هەرێمی کوردستان دەگاتە سەروو 40ی سیلیزی، پلەی گەرما لە حاجی ئۆمەران 27 دەبێت.
بەڕێوەبەرایەتی گشتی کەشناسی و بوومەلەرزەزانی هەرێمی کوردستان ڕایگەیاند، ئەمڕۆ پێنجشەممە، پلەی گەرمای هەولێر و هەڵەبجە و چەمچەماڵ دەگاتە 42ی سیلیزی و بەرزترین پلەی گەرماش لە گەرمیان تۆمار دەکرێت کە دەگاتە 43 پلە.
لە دهۆک و زاخۆ 40 پلە دەبێت، سلێمانی 38 و نزمترین پلەی گەرماش لە ئاجی ئۆمەران تۆمار دەکرێت کە 27 پلەی سیلیزییە.
کەشناسی هەرێمی کوردستان ئەوەشی خستەڕوو کە ئەمڕۆ ئاسمان ساماڵ و پەڵە هەور دەبێت.