سەرۆک وەزیرانی بەریتانیا تاكە چارەسەر بۆ دۆخی نێوان فەلەستین و ئیسڕائیل ڕادەگەیەنێت و دەڵێت: تەنها دروست بوونی دوو دەوڵەتە.
كیر ستارمەر، سەرۆك وەزیرانی بەریتانیا ڕایگەیاند، چارەسەری کێشەی ئیسڕائیل و فەلەستین دروستبوونی دوو دەوڵەتە.
دەشڵێت: سزای ئەو کەسانە دەدەین کە پشتگیری لەو ئیسرائیلییانە دەکەن، کە هێرش دەکەنە سەر فەلەستینییەکان و توندوتیژی ئەنجام دەدەن.
جەختیشی كردۆتەوە، هەموو هەوڵێک دەدەین بۆ ئەوەی رێگری لە ئازار و نەهامەتییەکانیان بگرین.
ستارمەر وتیشی، “بەردەوام دەبین لە هەوڵەکانمان بۆ ئەوەی کێشەکە بەوە چارەسەر بێت، کە دوو دەوڵەتی سەربەخۆ ئیسرائیل و فەلەستین لە تەنیشت یەکتر دروست بن”.