“سەماعە” چ مەترسییەک لەسەر گوێیەکان دروست دەکات

هۆشداری لە بەکارهێنانی زۆری گوێگر (سماعات): مەترسییەکانی لەدەستدانی بیستن و ڕێکارەکانی خۆپارێزی

 شارەزایانی تەندروستی هۆشداری دەدەن لە مەترسییەکانی بەکارهێنانی زۆری “گوێگر” (سماعات) و بەرزکردنەوەی دەنگ بۆ ماوەیەکی درێژ، جەخت لەوە دەکەنەوە کە ئەم خووە دەبێتە هۆی زیانی هەمیشەیی بۆ بیستن.

لەگەڵ ئەوەی بەکارهێنانی سماعات و مۆبایلە زیرەکەکان بۆ گوێگرتن لە مۆسیقا، پۆدکاست و ڤیدیۆ بووەتە بەشێکی سەرەکی ژیانی ڕۆژانەی ملیۆنان کەس، پسپۆڕان ئاماژە بەوە دەکەن کە بەرکەوتنی بەردەوام بە دەنگی بەرز دەبێتە هۆی لاوازبوونی تدرێژی توانای بیستن و ئەگەری تووشبوون بە زەنگی گوێ (طنين الأذن).

 بۆ ڕووبەڕووبوونەوەی ئەم مەترسییانە، کۆمپانیاکانی تەکنەلۆژیا هەندێک ئامرازیان لەناو ئامێرەکانیاندا جێگیر کردووە:

تایبەتمەندی “سلامة سماعات الرأس” (سەلامەتی گوێگر)یان هەیە، کە چاودێری ئاستی دەنگ دەکات و ئەگەر زیانبەخش بێت، ئاگاداری دەدات یان بە شێوەیەکی خۆکار دەنگەکە دادەبەزێنێت.

 تایبەتمەندی “العافية السمعية” (تەندروستی بیستن)ی هەیە، کە ڕێگە بە بەکارهێنەران دەدات چاودێری شێوازی گوێگرتنیان بکەن و کاتێک دەگەنە ئاستی دەنگی مەترسیدار، ئاگادارییان پێ دەدات.

 مؤسساتە تەندروستییەکان جەخت لەسەر جێبەجێکردنی بنەمای “60-60” دەکەنەوە بۆ پاراستنی بیستن، کە بریتییە لە:

• گوێگرتن بە 60%ی ئاستی دەنگ.

• بۆ ماوەیەک کە لە 60 خولەک زیاتر نەبێت بە شێوەی بەردەوام.

هەروەها شارەزایان ئامۆژگاری دەدەن کە بەکارهێنانی ئەو سماعاتانەی “عەزلی دەنگ” (Noise Cancellation)یان هەیە، ڕۆڵێکی گەورەی دەبێت لە کەمکردنەوەی مەترسییەکان و پاراستنی تەندروستی بیستن بۆ ماوەیەکی درێژخایەن.