نرخی بیتکۆین هاڕەی کرد

گرژییەکانی ڕۆژهەڵاتی ناوەڕاست و فرۆشتنی پشکەکان لەلایەن کۆمپانیایەکەوە نرخی بیتکۆین بۆ نزمترین ئاست دادەبەزێنن.

لە مامەڵەکانی بەرەبەیانی ئەمڕۆ پێنجشەممە، نرخی بیتکۆین بە ڕێژەی زیاتر لە 5% دابەزی و گەیشتە کەمتر لە 60 هەزار دۆلار، ئەمەش نزمترین ئاستی ڕێژەیییەتی لە دوای 6ی شوباتی ڕابردووەوە.

لە ماوەی هەفتەیەکدا دراوەکە نزیکەی 16%ی بەهای خۆی لەدەستدا؛ ئەم دابەزینەش دوای ئەوە دەستی پێکرد کە کۆمپانیای “ستراتیجی” (Strategy) سەر بە مایکڵ سایڵۆر، نزیکەی 2.5 ملیۆن دۆلار لە کۆی داراییە گەورەکەی بیتکۆینی خۆی فرۆشت.

لە ماوەی چەند ساڵی ڕابردوودا، کۆمپانیای “ستراتیجی” بووەتە یەکێک لە گەورەترین کڕیارەکانی بیتکۆین، ئەمەش وایکرد پشکەکانی ئاماژە بۆ بەهای ئەم دراوە لە ڕێگەی مۆدێلێکەوە کە پێی دەوترێت “خەزێنەی داراییە دیجیتاڵییەکان” کە تێیدا کۆمپانیاکە دراوە دیجیتاڵییەکان دەکڕێت و پاشەکەوتیان دەکات.

بازاڕ ئەم بڕیارەی سایڵۆری بۆ فرۆشتنی بەشێک لەو ملیارەها دۆلارەی کە کۆمپانیاکە خاوەندارییەتی دەکات، وەک ئاماژەیەکی نەرێنی لەقەڵەمدا، تەنانەت دوای ئەوەی کە مانگی ڕابردوو ئەم بەڕێوەبەرە جێبەجێکارە ئاماژەی بە ئەگەری دەستپێکردنی فرۆشتن لەلایەن کۆمپانیاکەوە کردبوو.