بەشی مۆڵەت لە بەڕێوەبەرایەتی هاتوچۆی سلێمانی ئەو هاووڵاتییانە ئاگادار دەکاتەوە کە کۆدی سبەینێ پێنجشەممەیان بۆ ڕایی کردنی مامەڵەکانیان وەرگرتبوو، دەتوانن بەو کۆدە ڕۆژی یەکشەممە سەردانیان بکەن بۆ هەمان مەبەست.
بەپێی ئاگادارییەکە کە ئاڕاستەی هاووڵاتییان کراوە، تیایدا هاتووە: سبەینێ پشووی فەرمییە لەسەرجەم دام و دەزگاکانی حکومەتی هەرێمی کوردستان، هەربۆیە سەرجەم ئەو هاووڵاتییانە ئاگادار دەکەین کە کۆدی نۆرەگرتنیان وەرگرتووە بۆ سەردانیکردنی بەشی مۆڵەت بۆ سبەینێ پێنجشەممە، دەتوانن رۆژی یەکشەممە سەردانی بەشی مۆڵەت بکەن بەهەمان کۆد بەمەبەستی ڕاییکردنی مامەڵەکانیان.