ئاسایشی هەڵەبجە دەستگیرکردنی ئەو کەسانەی ڕاگەیاند کە گۆڕستانی شارۆچکەی سەیدسادقیان سووتاند.
ئەمڕۆ یەکشەممە، بەڕێوەبەرایەتی ئاسایشی پارێزگای هەڵەبجە رایگەیاند، پاش ئەوەی چەند شەوی ڕابردوو گۆڕستانی شارۆچکەی سەیدسادق ئاگری گرت و بەو هۆیەوە زیان بەر دار و پوش و پاوەنەكەی كەوت، دەستبەجێ دوای لێكۆلینەوە بەبڕیاری دادوەری لێكۆلینەوەی ئاسایشی پارێزگای هەڵەبجە، هیزەكانمان لە سەیدسادق توانیان سێ تۆمەتبار بەناوەكانی (ڕ .ع . ع) و (م . ن . ڕ) و (ڕ . ت . ڕ) دەستگیر بكەن.
لەراگەیەنراوەکەدا هەروەها هاتووە کە دوای لێكۆلینەوە، تۆمەتباران دانیان بە بەتاوانەكەیاندا ناوە و بۆ ئەو مەبەستەش بە بڕیاری دادوەر هەرسێ تۆمەتبارەكە ڕادەستی بەشی پۆلیسی دارستان و ژینگەی سەیدسادق کران.
ئەوەش خراوەتەڕوو کە پەڕاوی لێكۆلینەوە بۆ تۆمەتبارەکان کراوەتەوە و لێكۆڵینەوەی زیاتریش بەردەوامە.