وەزارەتی دارایی کاتی دابەشکردنی مووچەی مامۆستایانی گرێبەست و فەرمانبەرانی نوێی ڕاگەیاند
وەزارەتی دارایی و ئابووریی حکومەتی هەرێمی کوردستان، خشتهی دابهشكردنی مووچهی مانگی نیسانی بۆ مامۆستایانی گرێبەست و بەشێک لە فەرمانبەرانی هەمیشەیی و گرێبەست ئاشکرا کرد.
بەپێی ڕاگەیاندراوێکی فەرمی وەزارەتی دارایی کە ئەمڕۆ شەممە، 16ـی ئایاری 2026 بڵاوکراوەتەوە، بڕیاردراوە ڕۆژی یەکشەممە، 17ـی ئایاری 2026، مووچەی مانگی نیسانی ئەم توێژانەی خوارەوە دابەش بکرێت:
مامۆستایانی گرێبەست لە وەزارەتی پەروەردە.
مامۆستایانی گرێبەست لە وەزارەتی خوێندنی باڵا و توێژینەوەی زانستی.
هاوکات وەزارەتی دارایی ئاماژەی بەوە کردووە کە لە هەمان ڕۆژدا (یەکشەممە)، مووچەی مانگی نیسانی سەرجەم ئەو فەرمانبەرانە دابەش دەکرێت کە مەرجەکانی خوارەوە دەیانگرێتەوە:
ئەو فەرمانبەرانەی لە دوای ڕێکەوتی 1-7-2024 بە شێوازی (گرێبەست یان هەمیشەیی) لەسەر میلاکی دامەزراوەکانی حکومەتی هەرێمی کوردستان دامەزراون.
ئەو فەرمانبەرانەی کە شایستە داراییەکانیان لەسەر داهاتی ناوخۆی هەرێمی کوردستان خەرج دەکرێت.