ترەمپ: بیر لە فراوانکردنی ‘پڕۆژەی ئازادی’ و دەسپێکردنی ئۆپەراسیۆنێکی گەورە لە تەنگەی هورمز دەکەینەوە.
دۆناڵد ترەمپ، سەرۆکی ویلایەتە یەکگرتووەکانی ئەمەریکا، ڕایگەیاند کە وڵاتەکەی تاوتوێی بژاردەی دەستپێکردنەوە و درێژکردنەوەی “پڕۆژەی ئازادی” دەکات، بەڵام بە ستراتیژێکی سەربازیی زۆر فراوانتر لە پێشوو.
لە چاوپێکەوتنێکی تەلەفۆنیدا لەگەڵ “جان ڕابێرتز” پەیامنێری کەناڵی فۆکس نیوز، سەرۆک ترەمپ ئاشکرای کرد کە ئەگەر بڕیاری دەستپێکردنەوەی پڕۆژەکە بدرێت، پرۆسەی ڕێنماییکردنی کەشتییەکان لە تەنگەی هورمز تەنها بەشێکی بچووک دەبێت لە ئۆپەراسیۆنێکی سەربازیی گەورەتر کە ئەمەریکا لە ناوچەکەدا ئەنجامی دەدات.
سەرۆکی ئەمەریکا ئاماژەی بەوەش کردووە کە تاوەکو ئێستا بڕیاری کۆتایی لەسەر دەستپێکردنەوەی پڕۆژەکە نەدراوە و بابەتەکە لە ژێر لێکۆڵینەوەدایە.
جێی وەبیرهێنانەوەیە، “پڕۆژەی ئازادی” هەفتەی ڕابردوو لەلایەن واشنتۆنەوە بۆ پاراستنی ئاسایشی دەریایی ڕاگەیەندرا، بەڵام دوای ماوەیەکی کەم و لەسەر داوای فەرمی حکومەتی پاکستان ڕاگیرا، ئەوەش بە مەبەستی ڕەخساندنی دەرفەت بۆ سەرکەوتنی دانوستانەکانی ئاشتی لەگەڵ تاران.
ئەم لێدوانە نوێیانەی ترەمپ ئاماژەیەکی ڕوونن بۆ ئەگەری گۆڕانی ستراتیژی واشنتۆن بەرامبەر بە ئاسایشی ئاوە نێودەوڵەتییەکان و جووڵە سەربازییەکانی لە ڕۆژهەڵاتی ناوەڕاست.
سەرچاوە: فۆکس نیوز
🚨 FOX NEWS ALERT: President Trump just told Fox News’ John Roberts that he is considering renewing Project Freedom, but “this time around the U.S. guiding ships through the Strait of Hormuz would be one small piece of what would be part of a larger military operation.”
Gillian… pic.twitter.com/EOCgzsbyKX
— TV News Now (@TVNewsNow) May 11, 2026