وتەبێژی وەزارەتی دەرەوەی ئێران ڕایدەگەیەنێت، بڕیارمانداوە لە دانوستانەکان سەرنجمان لەسەر کۆتاییهێنان بە شەڕ بێت.
ئیسماعیل بهقایی، وتەبێژی وەزارەتی دەرەوەی ئێران ڕایگەیاند، ئێمە لە کەشێکی بێمتمانەیی و گومانی قوڵدا بەرامبەر ئەمریکا دانوستان دەکەین.
وتیشی، لە کاتی دانوستانەکاندا ناتوانرێت دەستدرێژی ئەمریکا لەبیربکرێت و دەبێت وریا بین.
جەختیشی كردۆتەوە، بڕیارمانداوە لە دانوستانەکانی ئێستادا لەبری ئەوەی کات بەفیڕۆبدەین لەسەر پرسە ئاڵۆزەکان، سەرنجمان لەسەر کۆتاییهێنان بە شەڕ بێت.
بەقایی دەشڵێ: ئەگەر ئەمریکییەکان بەڕاستی جددی بن لە دیپلۆماسی، پێویستە ئەم دەرفەتە بقۆزنەوە.