ڕاپۆرتێکی نوێی ڕێکخراوی (Christian Aid) ئاشکرایکردووە کە ساڵی ٢٠٢٥ یەکێک بووە لە پڕتێچووترین ساڵەکان لە مێژووی کارەساتە ژینگەییەکاندا.
بەپێی ئامارە بەرایییەکان، تەنها زیانی ١٠ گەورەترین کارەساتی سروشتی لە جیهاندا گەیشتووەتە زیاتر لە ١٢٠ ملیار دۆلاری ئەمریکی.
ئەم ژمارەیە تەنها ئەو زیانانە دەگرێتەوە کە بیمە کراون، لەکاتێکدا تێچووی ڕاستەقینە زۆر لەوە زیاترە.
گرنگترین کارەساتەکانی ٢٠٢٥:
ئاگرکەوتنەوەکانی کالیفۆرنیا: گەورەترین زیانی دارایی هەبووە کە زیاتر لە ٦٠ ملیار دۆلار بووە.
گەردەلوولەکانی باشووری ئاسیا: بوونە هۆی گیانلەدەستدانی زیاتر لە ١٧٥٠ کەس و زیانی ٢٥ ملیار دۆلار.
لافاو لە چین: زیانی ١١.٧ ملیار دۆلاری لێکەوتەوە.
بارانە وەرزییەکانی هیندستان و پاکستان: بوونە هۆی گیانلەدەستدانی ١٨٦٠ کەس و تێکدانی ژێرخانی ئەو وڵاتانە.
ڕاپۆرتەکە جەخت دەکاتەوە کە ئەم کارەساتانە ئەنجامی ڕاستەوخۆی گەرمبوونی زەوین کە بەهۆی سووتەمەنییە بەبەردبووەکانەوە دروست بووە.
هەروەها ئاماژە بەوە دەکات کە وڵاتە دەوڵەمەندەکان بەڵێنیان داوە تا ساڵی ٢٠٣٥ بڕی ١٢٠ ملیار دۆلار بۆ ڕووبەڕووبوونەوەی گۆڕانی کەشوهەوا دابین بکەن، بەڵام شارەزایان پێیان وایە ئەم بڕە پارەیە هێشتا کەمە.