ئیمانوێل ماكرۆن، سەرۆكی فەرەنسا دەڵێت، پەیوەندییەكی لەگەڵ عەلی زەیدی سەرۆک وەزیرانی راسپێردراو ئەنجامداوە كە ئەرکی پێکهێنانی حکومەتی داهاتووی عێراقی پێسپێردراوە.
ماكرۆن لە سەكۆی “ئێكس” نوسیویەتیك، پیرۆزبایی دەستبەکاربوونیم لێکرد و هیوای سەرکەوتنم بۆ خواست لەم ئەرکە گرنگە بۆ داهاتووی عێراق، لە هەلومەرجێکی ناوچەیی زۆر سەختدا.
دەشڵێت: خواستی خۆمم پێ راگەیاند، بۆ تەواوكردنی لێكۆڵینەوەكان لەو هێرشەی كە بووە هۆی كوژرانی سەربازێكی فەرەنسی و برینداربوونی ژمارەیەك لە هاوڕێكانی لە 12ی ئازار لە مەخمور.
ئاماژەی بەوەشداوە، سەقامگیری و سەروەری عێراق و بڕیاری لە چارەنوسی خۆی بۆ ئاسایشی ڕۆژهەڵاتی ناوەڕاست و ئەوروپا زۆر پێویستە، فەرەنسا بەردەوام دەبێت لە وەستانەوە لەگەڵ گەلی عێراق بۆ بەشداریکردن لەم کارەدا و بۆ زیاتر قووڵکردنەوەی هاوبەشی ستراتیژیمان لە هەموو بوارەکاندا.
