ئەمینداری گشتی یەکگرتووى ئيسلامى كوردستان رِايدةطةيةنيَت، پێویستە نوێنەرانی یەکگرتوو لە هەر پلە و پۆستێکدا بن لە خزمەتی هاووڵاتیاندا بن.
ئەمڕۆ شەممە ٢-٥-٢٠٢٦، بە ئامادەبوونی مامۆستا سەڵاحەدین محەمەد بەهائەدین، ئەمینداری گشتی یەکگرتووی ئیسلامی کوردستان، کۆبوونەوەی فراوانی مەکتەبی کاروباری حکومەت و پەرلەمان لە شاری هەولێر بەڕێوەچوو. کە تێیدا پەرلەمانتارانی فراکسیۆنی یەکگرتوو لە پەرلەمانی عێراق و کوردستان، هەروەها بەڕێوەبەرانی گشتی، ڕاوێژکاران و بەڕێوەبەری ناحیەکانی سەر بە یەکگرتوو لە دامودەزگاکانی حکومەت و پەرلەمان لە هەرێم و بەغدا ئامادەی بوون.
سەڵاحەدین محەمەد بەهائەدین تیشکی خستە سەر دوایین گۆڕانکاری و پێشهاتە سیاسییەکانی هەرێمی کوردستان، عێراق و ناوچەکە و ڕاسپاردەی توندی ئاراستەی سەرجەم نوێنەرانی یەکگرتوو لە کایە جیاوازەکانی دەسەڵاتدا کرد و ڕایگەیاند: “پێویستە نوێنەرانی یەکگرتوو لە هەر پلە، پۆست و شوێنێکدا بن، ئەرکی لە پێشینەیان خزمەتکردنی بێ جیاوازیی هاووڵاتیان و بەرگریکردن بێت لە مافە ڕەواکانیان”.
لە تەوەرێکی تری کۆبوونەوەکەدا، ئامادەبووان تێبینی، پێشنیار و پلانەکانی خۆیان بۆ قۆناغی داهاتوو خستەڕوو. هەروەها چەندین پڕۆژە و کارنامەی نوێ بە ئامانجی کاراکردنی ڕۆڵی نوێنەرانی یەکگرتوو لەپێناو خزمەتکردنی گشتی لە هەرێمی کوردستان و عێراقدا تاوتوێ کران.
