دۆناڵد ترەمپ، سەرۆکی ئەمریکا ڕایدەگەیەنێت، گەمارۆی دەریایی هەڵناگیرێت تا رێککەوتنی ئەتۆمی نەکرێت و دەشڵێت: سێنتكۆم پلانی هێرشی كورت و بەهێزی هەیە و چاوەڕێی فەرمانی منن.
دۆناڵد ترەمپ بۆ (ئاكسیۆس) ڕایگەیاند، گەمارۆی دەریایی سەر ئێران لانەبم، مەگەر تاران لەسەر ڕێککەوتنێک سەبارەت بە نیگەرانییە ئەتۆمییەکان ڕازی بێت.
وتیشی، “پێشنیاری ئێرانییەکان بۆ کردنەوەی گەرووی هورمز و لادانی گەمارۆکان لە سەرەتادا و دواخستنی دانوستانە ئەتۆمییەکانم ڕەتکردەوە”.
دەشڵێت: کۆگاکانی نەوت و هێڵە بۆرییەکانی ئێران لە لێواری تەقینەوەدان، چونکە ناتوانێت نەوت هەناردە بکات.
ئاشكراشی كردووە، فەرماندەیی ناوەندی ئەمریکا (سێنتکۆم) پلانێکی بۆ شەپۆلێکی هێرشی “کورت و بەهێز” بۆ سەر ژێرخانەکانی ئێران ئامادە کردووە، کە تەنها لە ئەگەری دەرکردنی فەرمان لەلایەن منەوە جێبەجێ دەکرێن.
سەرۆكی ئەمریكا جەختیشی كردۆتەوە، گەمارۆی دەریایی بۆ سەر ئێران کاریگەرترە لە بۆردومانی ئێران.