کێشەی تەکنیکی زیادکردنی منداڵ بۆ پسوولەی خۆراک چارەسەر دەکرێت و دەکرێتەوە.
سیامەند نانەکەلی، بەڕێوەبەری ڕێکخستنی پسووڵەی خۆراکی هەولێر ڕایگەیاند، بەهۆی کێشەیەکی تەکنیکییەوە لەلایەن حکومەتی عێراقەوە، پڕۆسەی زیادکردنی منداڵ بۆ پسووڵەی خۆراک لە ١٠ پارێزگا (لە نێویاندا هەولێر و سلێمانی) دواکەوتووە.
ڕاشیگەیاند، بڕیاربوو لە سەرەتای مانگی 3 پڕۆسەکە لە هەولێر دەستپێبکات، بەڵام لە ئێستادا تەنیا لە دهۆک و هەڵەبجە پڕۆسەکە کارایە.
دەشڵێت: بەرپرسانی عێراق بەڵێنیان داوە بەم نزیکانە کێشەکە چارەسەر بکەن و سیستمە ئەلیکترۆنییەکە بۆ هەموو پارێزگاکان کارا بکرێتەوە.