بە بڕیاری لیژنەی ئەمنی پارێزگای هەڵەبجە، لەمڕۆوە ئۆتۆمبێلە بێسەرەتاکان و ماتۆڕسکیلەکان بۆیان نییە بچنە نێو بازاڕ و شوێنە گشتییەکانەوە.
بە پێی بڕیارێکی لیژنەی ئەمنی پارێزگای هەڵەبجە، سەرجەم هاووڵاتییان و خاوەنی ئۆتۆمبێلە بێسەرەتاکان و ماتۆڕسکیلەکان ئاگادار کرانەوە کە لەمڕۆوە بە هیچ شێوەیەک ڕێگەپێدراو نییە لە ناو بازاڕ و شوێنە گشتییەکاندا هاتوچۆ بکەن یان ئۆتۆمبێلەکانیان ڕابگرن؛ بە تایبەتیش لە ناوەندی بازاڕدا.
لە ڕاگەیەندراوەکەدا هاتووە: “داواکارین هەمووان پابەندی ئەم بڕیارە بن، چونکە بە پێچەوانەوە دەست بەسەر هەر ئۆتۆمبێل و ماتۆڕسکیلێکی سەرپێچیکاردا دەگیرێت و خاوەنەکانیان ڕووبەڕووی لێپرسینەوەی یاسایی توند دەبنەوە”.