مەفرەزەكانی نوسینگەی نەهێشتنی تاوانی سەیدسادق بەهاوکاری نوسینگەی نەهێشتنی تاوانی دەربەندیخانی سەر بەبەشی نەهێشتنی تاوانی بەڕێوەبەرایەتیمان، دوو تۆمەتباریان بەتۆمەتی ڕفاندنی هاوڵاتییەک دەستگیرکرد.
بەڕێوەبەرایەتی پۆلیسی پارێزگای سلێمانی بڵاویكردەوە، تۆمەتباران (چ، ع، ح لەدایکبووی ٢٠٠٤ – چ، ع، ح لەدایکبووی ٢٠٠٢) بەتۆمەتی ڕفاندنی هاوڵاتییەک و بەبڕیاری بەڕێز دادوەرو بەپێی ماددەی (٤٢١) لەیاسای سزادان فەرمانی دەستگیرکردنیان هەبووە لەنوسینگەی نەهێشتنی تاوانی دەربەندیخان، دوای ئەنجامدانی تاوانەکەیان لە قەزای دەربەندیخان، چونەتە قەزای سەیدسادق و خۆیان حەشارداوە.
دەشڵێت: لەکاتی دەستگیرکردنیاندا دەستگیرا بەسەر دوو ئوتۆمبێل و دوو موبایلدا کە بە تۆمەتباران بووە.
جەختیشی كردۆتەوە، لەئێستادا هەردوو تۆمەتبار بەبڕیاری بەڕێز دادوەر ڕاگیراون و لێکۆڵینەوە لە دۆسیەکە بەردەوامە.