نرخی نەوت لە بازاڕەکانی جیهان، ئەمڕۆ پێنجشەممە (٢٣ی نیسانی ٢٠٢٦)، بەرزبوونەوەیەکی نوێی تۆمارکرد و خامی برێنت قەفزەیەکی بەرچاوی بەخۆوە بینی.
نرخی یەک بەرمیل نەوتی خامی برێنت بە ڕێژەی ١.٩٪ بەرزبووەوە و گەیشتە ١٠٤ دۆلار، ڕاپۆرتە ئابوورییەکان ئاماژە بەوە دەکەن کە ئەم بەرزبوونەوەیە بەهۆی زیادبوونی مەترسییەکانە لە بەردەوامی گرژییەکانی ناوچەی ڕۆژهەڵاتی ناوەڕاست بۆ ماوەیەکی درێژخایەن.
بازاڕە جیهانییەکان لە ئێستادا لە دۆخێکی حەزەر و چاوەڕوانیدان، چونکە وەبەرهێنەران نیگەرانن لە کاریگەریی ململانێکان لەسەر زنجیرەی دابینکردنی وزە، و ترسی زۆر هەیە لەبارەی ئاسایشی ڕێڕەوە نێودەوڵەتییەکانی گواستنەوەی نەوت.
ئەم دۆخە بووەتە هۆی زیادبوونی خواست لەسەر کڕینی گرێبەستە دواخراوەکانی نەوتی خام (Future Contracts).