بەپێی پێشبینییەکانی کەشناسی، دۆخی کەشوهەوای هەرێمی کوردستان بۆ ئەمڕۆ و سبەی گۆڕانکاری بەسەردادێت و لەگەڵ بەرزبوونەوەی پلەکانی گەرما، بارانبارینی بەهاریش بەردەوام دەبێت.
بەڕێوەبەرایەتی گشتی کەشناسی و بوومەلەرزەزانی هەرێمی کوردستان ڕایگەیاند، ئەمڕۆ پێنجشەممە، پێشبینی دەکرێت ئاسمان بە گشتی ساماڵ و پەڵە هەور بێت، لە هەندێک ناوچەش بۆ نیمچە هەور بگۆڕێت.
پلەکانی گەرما بەراورد بە دوێنێ 1 تا 2 پلە بەرزتر دەبنەوە. خێرایی با لە نێوان 10 بۆ 20 کم/ک دەبێت و مەودای بینینیش لە نێوان 8 بۆ 10 کم جێگیر دەبێت.
هاوکات گەرمیان بە 26 پلە بەرزترین و حاجی ئۆمەران بە 15 پلە نزمترین پلەی گەرمایان دەبێت.
سەبارەت بە سبەینێ هەینیش، کەشناسی ڕایگەیاند، گۆڕانکاری لە نزمەپاڵەپەستۆکاندا ڕوودەدات؛ ئاسمان لە پەڵە هەورەوە بۆ نیمچە هەور و پاشان بۆ هەوری تەواو دەگۆڕێت. لە کاتەکانی نیوەڕۆدا، ناوچەکانی باکوور و ڕۆژهەڵاتی هەرێم و بەتایبەت ناوچە شاخاوییەکان، دەبنە مەڵبەندی گەواڵە بارانی بەهاری و هەورە تریشقە. پێشبینی دەکرێت ئەم بارانبارینە بە شێوەی پچڕپچڕ تا کاتەکانی ئێوارە لە ناوچە جیاجیاکان بەردەوام بێت.
پلەکانی گەرما / کەمێک بەرزتر دەبێت بەراورد بە تۆمارکاوەکانی ئەمرۆ.
بەرزترین پلەکانی گەرمای پێشبینیکراو بە پلەی سیلیزی
هەولێر: 24 پلەی سیلیزی
پیرمام: 19 پلەی سیلیزی
سۆران: 21 پلەی سیلیزی
حاجی ئۆمەران: 14 پلەی سیلیزی
سلێمانی: 24 پلەی سیلیزی
چەمچەماڵ: 24 پلەی سیلیزی
دهۆک: 25 پلەی سیلیزی
زاخۆ: 25 پلەی سیلیزی
هەڵەبجە: 24 پلەی سیلیزی
گەرمیان: 26 پلەی سیلیزی