پسپۆڕێکی ئابووری عێراق ڕایدەگەیەنێت، ڕاگرتنی ناردنی دۆلار، کاریگەری لەسەر دابەشکردنی مووچە نابێت.
نەبیل مەرسومی، پسپۆڕی ئابووری عێراق لەبارەی لێکەوتەکانی گەمارۆی دۆلار بۆ سەر عێراق لەلایەن ئەمریکا، نووسویەتی:
١. پەیوەندی بە مووچەی فەرمانبەرانەوە نییە:
بابەتەکە تەنها پەیوەستە بە دابینکردنی دۆلاری نەختینە (کاش) بۆ گەشتیاران.
٢. یەدەگی نەختینە: بەپێی داتاکانی بانکی ناوەندی عێراق لە کۆتایی ساڵی ٢٠٢٥دا، بانکەکە بڕی ١.٥ ملیار دۆلاری نەختینەی هەیە کە دەتوانێت بۆ ماوەی سێ مانگ دۆلار بۆ گەشتیاران دابین بکات.
٣. هەبوونی جێگرەوە: ئەگەر بڕینی دۆلاری نەختینە لەلایەن ئەمریکاوە بەردەوام بێت، بانکی ناوەندی دەتوانێت سوود لە سپاردە بانکییەکانی لە بانکە جیهانییەکان وەربگرێت کە بڕەکەی دەگاتە نزیکەی ٣٠ ملیار دۆلار و بە دراوە جیاوازەکانە.
٤. لە هەموو ئەمانە گرنگتر ئەوەیە کە ئەمریکا کۆت و بەند و سنووردارکردن نەخاتە سەر حەواڵە بانکییەکان کە بۆ دابینکردنی دارایی بازرگانی دەرەکی عێراق بەکاردێن.