کۆمپانیای بەڕێز، وەک بەشێک لە کارە خێرخوازییەکانی بۆ خزمەتکردنی هاووڵاتیانی سنووری قەزای چەمچەماڵ، دەستپێکردنی چەند پڕۆژەیەکی گرنگی خزمەتگوزاری لە سنووری شارەوانیی ئەو شارە ڕاگەیاند.
بەپێی زانیارییەکان، پڕۆژەکان دوای کۆبوونەوە و هەماهەنگی هاتووە لەگەڵ نووسینگەی قایمقامیەتی چەمچەماڵ و گرووپی ڕا، کە پڕۆژەکان بریتین لە:
- دروستکردنی قوتابخانە: بنیادنانی قوتابخانەیەکی نوێی ١٨ پۆلی لەگەڵ باخچەیەکی ساوایان لەناو پڕۆژەی چەرموو سیتی.
- بەرەنگاربوونەوەی لافاو: کۆنکرێتکردنی ڕێڕەوی لافاو بە درێژایی ٣٠٠ مەتر لەو شوێنانەی شارەوانی دیارییان دەکات، بە مەبەستی کەمکردنەوەی مەترسییەکانی لافاو و پاراستنی ماڵی هاووڵاتیان.
- پەرەپێدانی ڕێگاوبان: دروستکردن و فراوانکردنی قەنتەرەیەک لەبەردەم پڕۆژەی چەرموو سیتی بۆ ئاسانکاری هاتووچۆ.
لە ئێستادا کارکردن لە پڕۆژەی قەنتەرەکەدا دەستیپێکردووە، سەبارەت بە قوتابخانە و باخچەی ساوایانەکەش، بڕیارە دوای تەواوبوونی ڕێکارە یاساییەکان و پەسەندکردنی نهخشهكان، ڕاستەوخۆ کارەکانیان بچێتە بواری جێبەجێکردنەوە.