شارەزایەکی بواری کەشناسی ڕایگەیاند، ڕۆژی هەینی کەشوهەوا لە هەرێمی کوردستان سەقامگیر دەبێت و پلەکانی گەرما بەرزدەبنەوە، بەجۆرێک لە هەندێک ناوچە گەرمای بێزارکەر هەست پێدەکرێت.
پشتیوان پێنجوێنی، شارەزای بواری کەشناسی بۆ (خەڵك) ئاشکرایکرد، کە ڕۆژی هەینی داهاتوو، کەشوهەوا لە ناوچەکانی هەرێمی کوردستاندا سەقامگیر دەبێت و هیچ بارانبارینێک نابێت.
ئاماژەی بەوەشدا، ئەمەش دەرفەتێکی گونجاوە بۆ هاووڵاتییان بەمەبەستی گەشت و سەیران.
ڕوونیشی كردەوە، پێشبینی دەکرێت کەشوهەوا بە گشتی بەهاری و تا ڕادەیەک گەرم بێت، هەروەها پلەکانی گەرما بە بەراورد بە ڕۆژانی پێشوو پێنج پلە بەرزتر دەبنەوە.
پێنجوێنی ئەوەشی خستەڕوو، کە لە ناوچەکانی هەولێر، گەرمیان و کەرکوک، گەرمایەکی بێزارکەرتر هەست پێدەکرێت.