کۆمپانیای «سامسۆنگ ئێس دی ئای – Samsung SDI»ـی کۆریای باشوور ڕایگەیاند، کە ڕێککەوتنێکی چەند ساڵەی لەگەڵ کۆمپانیای «مێرسیدس بێنز»ـی ئەڵمانی واژۆ کردووە بۆ دابینکردنی پاتریی ئۆتۆمبێلە کارەباییەکان.
ئەمەش بە یەکەمین هاوکاریی ڕاستەوخۆی نێوان هەردوو کۆمپانیاکە لەم بوارەدا هەژمار دەکرێت.
ئەم ڕێککەوتنە لە چوارچێوەی فراوانبوونی هەوڵی کۆمپانیاکانی ئۆتۆمبێلە گرانبەهاکان دێت بۆ مسۆگەرکردنی پێداویستییەکانیان لە پاترییەکانی نەوەی نوێ.
ئەوەش هاوکاتە لەگەڵ خێراتربوونی هەنگاوە جیهانییەکان بەرەو بەکارهێنانی ئۆتۆمبێلی کارەبایی و توندبوونەوەی کێبڕکێ لەسەر تەکنەلۆژیاکانی پاشەکەوتکردنی وزە بە توانستێکی بەرزەوە.
