دوای هێرشی ئەمریکییەکان بۆ سەر ئەم کەشتییە، هێزەکانی ئێرانیش بە فڕۆکەی بێفڕۆکەوان (درۆن) هێرشیان کردە سەر هەندێک لە کەشتییە سەربازییەکانی ئەمریکا.
بەپێی ڕاپۆرتی ئاژانسی هەواڵی تەسنیم، ئەو لایەنەی بانگەشەی گەورەترین هێزی سەربازی جیهان دەکات، بووەتە سەرکردەی چەتە دەریایییەکان!
سەربازە تیرۆریستەکانی ئەمریکا چەند کاتژمێرێک لەمەوبەر لە دەریای عومان هێرشیان کردە سەر کەشتییەکی کۆنتێنەرهەڵگری ئێرانی بە ناوی “توسکا” کە لە چینەوە بەرەو ئێران بەڕێوەبوو. دوای ئەم هێرشەی ئەمریکییەکان، هێزە ئێرانییەکانیش بە درۆن هێرشیان کردە سەر چەند کەشتییەکی سەربازی ئەمریکا.
ترەمپ کەمێک لەمەوبەر بانگەشەی ئەوەی کرد کە تیرۆریستە ئەمریکییەکان دەستیان بەسەر ئەم کەشتییەدا گرتووە. ئێران پێشتر ڕایگەیاندبوو کە بەرامبەر بە هەر کارێکی ئەمریکییەکان، کاردانەوەی هاوشێوەی دەبێت.
هاوکات لەگەڵ ڕاگەیاندنی گەمارۆی دەریایی ئێران لەلایەن ئەمریکاوە، ئێران گەرووی هورمزی بە تەواوی داخست؛ هەر کەشتییەک یان نەوتهەڵگرێک بەبێ مۆڵەتی ئێران لە ناوچەکە تێپەڕبێت، لەلایەن هێزەکانی ئێرانەوە سزا دەدرێت.