بەهۆی ئاسایی بوونەوەی كەشوهەوا و كەشێكی خۆشی بەهاری هاووڵاتیان ڕۆژانی هەینی ڕوو لە سەیرانگاكان دەكەن بۆ گەشت و سەیران، هاتووچۆی هەڵەبجەش هۆشداری دەداتە شۆفێران، كە دووربكەونەوە لە تیژڕەوی و سەركێشی و بێزاركردنی خەڵك.
بەڕێوەبەرایەتیی هاتووچۆی هەڵەبجە لە ڕێنماییەکدا بۆ هاووڵاتییان ڕایگەیاند، لە کاتی گەشت و سەیران خۆتان بەدووربگرن لە تیژڕەوی، سەرکێشی و بێزار کردنی هاووڵاتییان.
ئاماژەی بەوەشداوە، “پابەندی یاسا و ڕێنماییەکانی ھاتووچۆ بن بۆ ئەوەی تووشی کارەسات و ڕووداوی نەخوازراو نەبنەوە”.
هاتووچۆی هەڵەبجە لە کۆتاییدا دەڵێت، “هەمیشە ئەوەتان لە یادبێ درەنگ گەیشتن باشترە لەوەی کە ھەر نەگەیت”.