“ڤۆڵگا”ی ڕووسی ئۆتۆمبێلە نوێیەکەی و تایبەتمەندییە پێشکەوتووەکانی ڕادەگەیەنێت.
براندی Volgaی ڕووسی ئۆتۆمبێلێکی نوێی لە جۆری (کرۆس ئۆڤەر) ڕاگەیاند، کە بە باشترین تایبەتمەندی و تەکنەلۆژیا جێگیر کراوە بۆ دابینکردنی ئارامی و سەلامەتی بۆ سەرنشینەکانی.
دیزاین و شێوەی دەرەوە:
ئۆتۆمبێلەکە دیزاینێکی سەردەمیانە و جیاوازی هەیە، خاوەنی سەقفێکی پانۆرامای گەورەیە و گڵۆپەکانی بە تەکنەلۆژیای پێشکەوتووی LED کاردەکەن.
ناوەوە و تەکنەلۆژیا:
ژووری ناوەوەی ئۆتۆمبێلەکە بە چەندین تایبەتمەندی ناوازە تەیار کراوە، لەوانە:
سیستەمی ڕووناکی ناوخۆیی (Ambient Lighting) بە چەندین ڕەنگی جیاواز.
سیستەمی دەنگی بەهێز کە لە ١١ بڵندگۆ پێکدێت.
کورسییە کارەباییەکان کە سیستەمی گەرمکەرەوە و ساردکەرەوەیان تێدایە.
سیستەمی سپلیت (تەکیف)ی دوو ناوچەیی بۆ کۆنتڕۆڵکردنی پلەی گەرمی بەپێی ویستی شۆفێر و سەرنشینەکان.
داشبۆردی ئۆتۆمبێلەکە خاوەنی دوو شاشەیە؛ یەکێکیان لەبەردەم شۆفێر وەک تابلۆی پێوانە دیجیتاڵییەکان، دووەمیان شاشەیەکی گەورەی لەمسە بۆ کۆنتڕۆڵکردنی زۆربەی سیستەمەکانی ئۆتۆمبێلەکە و پەیوەستکردنی بە مۆبایلە زیرەکەکان.
سیستەمی سەلامەتی:
ئۆتۆمبێلەکە پشتگیری لە چەندین تەکنەلۆژیای پاراستن دەکات:
سیستەمی خاڵی کوێر (Blind Spot) بۆ دوورکەوتنەوە لە ڕووداو.
سیستەمی هێشتنەوەی ئۆتۆمبێل لەناو هێڵەکانی شەقام (Lane Assist).
جێگیرکەری خێرایی زیرەک و سیستەمی ناسینەوەی هێماکانی هاتووچۆ.
کامێرای ٣٦٠ پلە کە دیمەنێکی گشتگیر لە هەموو لایەکەوە دەداتە شۆفێر.
بزوێنەر و هێز:
ڤۆڵگا ئۆتۆمبێلەکە بە دوو نموونەی جیاواز دەخاتە بازاڕەوە:
نموونەی یەکەم: بزوێنەری ١.٥ لیتری تۆربۆ بە هێزی ١٤٧ ئەسپ، گێڕی ئۆتۆمبێل (٧ خێرایی) و سیستەمی پاڵنەری پێشەوە.
نموونەی دووەم: بزوێنەری ٢.٠ لیتری تۆربۆ، گێڕی ئۆتۆمبێل (٨ خێرایی) و سیستەمی چوار چەرخ (4WD).
سەرچاوە: volga.auto