“کوزەڵە مەخۆن، تووشبوون بە کرمی جگەر زیادی کردووە”

بەڕێوەبەری گشتی تەندروستی سلێمانی داوا لە هاووڵاتییان دەکات خۆیان لە خواردنی کوزەڵە بەدوور بگرن، چونکە تووشبوون بە کرمی جگەر زیادی کردووە.

ئەمڕۆ سێشەممە، سەباح هەورامی، بەڕێوبەری گشتی تەندروستی سلێمانی داوای لە هاووڵاتیان کرد خۆیان بەدوور بگرن لەخواردنی کوزەڵە بۆ ئەوەی تووشی کرمی جگەر نەبن.

ڕوونیشیکردەوە کە ئیستا حاڵەتەكانی تووشبوون بە كرمی جگەر لەناو هاووڵاتیاندا زیادی كردووە و چارەسەرەكەشی زۆر گرانە.

سەباح هەورامی ئەوەشی خستەڕوو کە بەم دواییە نزیکەی 90 حاڵەتی تووشبوون بە بە كرمی جگەر تۆماركراون و زۆرینەی لەپارێزگای هەڵەبجە و ئیدارەی ڕاپەڕین بوون .