بڕیارێکی گرنگ بۆ خوێندکاران: وەزارەتی پەروەردەی عێراق پڕۆگرامی خوێندنی کەمکردەوە.
وەزارەتی پەروەردەی عێراق بە فەرمی بڕیاری دا پڕۆگرامی خوێندنی تاقیکردنەوە وزارییەکانی بۆ ساڵی خوێندنی 2025-2026 کورت بکاتەوە، ئەمەش وەک کارئاسانییەک بۆ خوێندکارانی پۆلە کۆتاکان.
بەپێی بڕیارەکەی دەستەی ڕاوێژکاری وەزارەت، کەمکردنەوەی بابەتەکان ئەم پۆلانە دەگرێتەوە:
شەشەمی بنەڕەتی.
سێیەمی ناوەندی.
شەشەمی ئامادەیی (بە هەردوو بەشی زانستی و وێژەیی).
وەزارەتی پەروەردە ئاماژەی بەوە کردووە، کە خشتەیەکی تایبەت ئاڕاستەی سەرجەم بەڕێوەبەرایەتییە گشتییەکانی پەروەردە لە بەغدا و پارێزگاکان دەکات. لەو خشتەیەدا بە وردی ئاماژە بەو بابەت و یەکانە دەکرێت کە بۆ تاقیکردنەوە وزارییەکان لابراون و ناچنە ناو پڕۆسەی تاقیکردنەوەوە.
لە بڕیارێکی تری گرنگدا، دەستەی ڕاوێژکاری وەزارەتی پەروەردەی عێراق ڕەزامەندی نیشان دا لەسەر داننان بە بڕوانامەی ئەو خوێندکارانەی کە لە قوتابخانەکانی وڵاتانی (تورکیا، لیبیا، و سعوودیە) دەرچوون، ئەمەش دوای وردبینیکردنیان لەلایەن لایەنە پەیوەندیدارەکانەوە.