وەزارەتی کارەبا: پڕۆژەی “ڕووناکی” موڵکی حکومەتە

وەزارەتی کارەبا: پڕۆژەی “ڕووناکی” موڵکی حکومەتە و هیچ کۆمپانیایەک خاوەندارییەتی ناکات.

وەزارەتی کارەبای حکومەتی هەرێمی کوردستان ڕوونکردنەوەیەکی گرنگ لەبارەی پڕۆژەی “ڕووناکی” بڵاودەکاتەوە و جەخت لەسەر ناسنامەی نیشتمانیی پڕۆژەکە دەکاتەوە.

کەمال محەمەد، وەزیری کارەبای هەرێم، لە کۆنگرەیەکی ڕۆژنامەوانیدا ڕایگەیاند، پڕۆژەی “ڕووناکی” کە تایبەتە بە ڕێکخستنەوەی کارەبا و دابینکردنی وزەی ٢٤ کاتژمێری بۆ هاووڵاتییان، بە تەواوی پڕۆژەی وەزارەتی کارەبایە. وەزارەت جەختی کردووەتەوە کە ئەم پڕۆژەیە ستراتیژییە و ئامانجی سەرەکی باشترکردنی کەرتی کارەبای هەرێمی کوردستانە.

لە بەشێکی تری وتەکانیدا وەزیری کارەبای هەرێم جەختیکردەوە، کە هیچ کۆمپانیایەک خاوەندارییەتی ئەم پڕۆژەیە ناکات و تەنیا وەزارەتی کارەبا لایەنی بەرپرسیار و خاوەنی پڕۆژەکەیە. کۆمپانیاکانی کەرتی تایبەت تەنیا وەک جێبەجێکار یان لایەنی تەکنیکی هاوکار دەبن لەژێر سەرپەرشتی و ڕێنماییەکانی وەزارەتدا.

پڕۆژەی ڕووناکی هەوڵێکە بۆ کۆتاییهێنان بە سیستەمی کۆنی دابەشکردنی کارەبا.دابینکردنی کارەبایەکی بەردەوام و بێ پچڕان، و کەمکردنەوەی سەرپێچییەکان و ڕێکخستنەوەی پێوەرە زیرەکەکان.

وەزیری کارەبا و سامانە سروشتییەكان بە وەكالەت رایگەیاند، رۆژانە 120 تەن غازی ماڵان بۆ هەرێمی کوردستان دابین دەکرێت و کێشەی کەمی غاز بەرەو چارەسەر دەڕوات.
spot_img
spot_img

باوترینەکانی هەفتە