پۆڵا شەهید سیروان، پەرلەمانتاری کوردی عێراق ڕایگەیاند، هەوڵێکی جیددی هەیە بۆ ئەوەی پێش کۆبوونەوەی ڕۆژی سێشەممەی ئەنجومەنی وەزیرانی عێراق، کێشەی ناردنی مووچەی مانگی ئازاری فەرمانبەرانی هەرێم چارەسەر بکرێت.
باسی لەوەشکرد: وەزیرە کوردەکان پێشنیازێکیان خستووەتە ڕوو بۆ تێپەڕاندنی کێشەی 120 ملیار دیناری داهاتی نانەوتی، بەجۆرێک هەر بڕە پارەیەک کە ئێستا لەبەردەستی هەرێمدایە ڕادەستی بەغداد بکرێت و بڕەکەی تری وەک قەرز هەژمار بکرێت، یان حکومەت گۆڕانکاری تایبەت بۆ بڕیارەکە بکات.