ئەمڕۆ، ١ی نیسانی ٢٠٢٦، گەشەپێدەرانی ئەپڵیکەیشنی جیهانیی “تێلیگرام” نوێکارییەکی گەورەیان بۆ وەشانەکانی ئەندرۆید و iOS ڕاگەیاند، کە کۆمەڵێک تایبەتمەندیی پێشکەوتوو و ژیریی دەستکرد لەخۆ دەگرێت.
١. یاریدەدەری ژیریی دەستکرد (AI Editor)
دیارترین گۆڕانکاری لەم نوێکارییەدا، زیادکردنی یاریدەدەرێکی ژیریی دەستکردە بۆ ناو شریتی نووسینی نامەکان. ئەم یاریدەدەرە دەتوانێت:
هەڵە ڕێنووسەکان ڕاست بکاتەوە.
شێوازی نووسینی دەقەکان بگۆڕێت (فۆرماڵ یان هاوڕێیانە).
وەرگێڕانی دەقەکان بۆ زمانە جیاوازەکان ئەنجام بدات.
ئیمۆجی گونجاو بۆ ناو نامەکان پێشنیار بکات.
(ئەم خزمەتگوزارییە بۆ ژمارەیەکی دیاریکراو بە خۆڕاییە و بۆ بەکارهێنەرانی “پریمیۆم” بێسنوورە).
٢. تایبەتمەندییە نوێیەکانی iOS
بۆ بەکارهێنەرانی ئایفۆن، تێلیگرام تایبەتمەندیی Scanی بۆ بەڵگەنامەکان زیاد کردووە. ئێستا دەتوانرێت لە ڕێگەی کامێرای مۆبایلەکەوە وێنەی چەندین بەڵگەنامە بگیریت و ڕاستەوخۆ بکرێن بە یەک فایلی PDF و بنێردرێن.
٣. شۆڕش لە “ڕاپرسی” و “مۆسیقا”دا
تایبەتمەندیی ڕاپرسی (Poll) ١٠ گۆڕانکاریی نوێی تێدا کراوە، لەوانە:
دیاریکردنی کاتی کۆتاییهاتنی ڕاپرسییەکە.
زیادکردنی ڤیدیۆ یان شوێن (Location) بۆ ناو وەڵامەکان.
تێکەڵکردنی وەڵامەکان بە شێوەی هەڕەمەکی (Randomize).
هەروەها گەڕان بەدوای مۆسیقادا باشتر کراوە و بەکارهێنەر دەتوانێت ڕاستەوخۆ لە ناو مۆبایلەکەیەوە فایلە دەنگییەکان بۆ ناو تێلیگرام بەرز بکاتەوە (Upload).
٤. وێنەی زیندوو و پاراستنی ئەمنییەت
وێنە زیندووەکان (Live Photos): ئێستا بە سێ شێوازی جیاواز (یەکجار نمایش، دووبارەبوونەوە، یان پێش و پاش) دەبنە وێنەی جووڵاو.
پاراستنی ئەمنییەت: تێلیگرام هۆشداری دەداتە ئەو بەکارهێنەرانەی ئەپی “تێلیگرامی لایەنی سێیەم” بەکاردەهێنن، تاوەکو پارێزراو بن لە هەر دزەکردنێکی زانیاری.
ئەم نوێکارییە هەنگاوێکی گەورەیە بۆ ئەوەی تێلیگرام تەنها ئەپێکی چات نەبێت، بەڵکو ببێتە پلاتفۆرمێکی هەمەلایەنەی کارگێڕی و تەکنەلۆژی.