کەشناسی هەرێم ڕایگەیاند، لە دوانیوەڕۆی ئەمڕۆوە بارانبارین لە ناوچەکانی پارێزگای دهۆک دەستپێدەکاتەوە و بۆ سبەینێ دووشەممە تەواوی ناوچەکانی هەرێم دەگرێتەوە.
بەپێی ڕاپۆرتی کەشناسی هەرێم، ئەمڕۆ یەکشەممە، لەکاتەکانی بەیانی تا کاتەکانی نیوەڕۆ کەشی ناوچەکەمان بە گشتی نیمچە هەور دەبێت، لە دوای نیوەڕۆ ئاسمانی هەرێم لە نیمچە هەورەوە دەگۆڕێت بۆ هەوری تەواو پێشبینی نمە باران لە دوای نیوەڕۆ لەسەر ناوچە شاخاوییەکان پاشان دووبارە کاریگەری نزمە پاڵە پەستۆیەک (نزمە پاڵەپەستۆی دەریای سپی ناوەڕاست) درێژ دەبێتەوە بۆ سەر ناوچەکەمان، کاریگەری ئەم شەپۆڵە لەسەر پارێزگای دهۆک و ئیدارەی زاخۆ سۆران بەشێک لە ڕاپەڕین و بەشێک لە سنووری باکووری پارێزگای هەولێر زیاتر دەبێت، شێوازی دابارین لەم ناوچانە بە شێوەی نمە باران و هەندێ کات بارانی مامناوەندە لە شەودا ئەگەری دابەزین لە پلەکانی گەرما زیاتر دەبێت. لە زۆربەی کاتەکانی دوای نیوەڕۆ ئەگەری نمە بارانی پچڕ پچڕ هەیە بە گشتی لە زۆربەی ناوچەکەمان.
هەولێر: 15 پلەی سیلیزی
پیرمام: 12 پلەی سیلیزی
سۆران: 12 پلەی سیلیزی
حاجی ئۆمەران: 7 پلەی سیلیزی
سلێمانی: 13 پلەی سیلیزی
چەمچەماڵ: 14 پلەی سیلیزی
دهۆک: 14 پلەی سیلیزی
زاخۆ: 15 پلەی سیلیزی
هەڵەبجە: 16 پلەی سیلیزی
گەرمیان: 18 پلەی سیلیزی
باسی لەوەشکردووە، سبەینێ دووشەممە، کاریگەری شەپۆلی بارانبارین زیاد دەکات بە تایبەت لە کاتەکانی بەرەبەیان لە بەشێک لە پارێزگای دهۆک و ئیدارەی زاخۆ و بە شێک لە ئیدارەی سۆران و پاشان بەشێک لە ئیدارەی ڕاپەڕین شێوازی دابارین بارانی مامناوەندو هەندێ کات هەورە تریشقەش دەبێت لەگەڵ ئەگەری تەزرە بارین لەسەر بەشێک لە ناوچەی شاخاوی جیا جیا.
دەشڵێت: پارێزگای (سلێمانی هەولێر هەڵەبجە کەرکووک ) ناوچە دەشتاییەکانی پارێزگای هەولێر دەشتی شارەزوور ئیدارەی گەرمیان قەزای دوکان لەکاتی دابارین زۆربەی کات بە شێوەی نمە بارانی پچڕ پچڕ دەبێت و ئەگەری هەورە تریشقەش هەیە، ناوچە سنووریەکان لە کاتەکانی بەیانی زوو بەفر بارینی دەبێت سبەی پلەکانی گەرما کەمێک نزم دەبێتەوە، لە ماوەی باران بارینی سبەینێ ئەم ناوچانە باران بارینی پێشبینیکراوی لەسەرووی 20 ملیمەتر دەبێت (بارزان مێرگەسوور دێرەلووک ئامێدی سۆران خەلیفان چۆمان ).
بەرزترین پلەکانی گەرمای پێشبینیکراو بە پلەی سیلیزی
هەولێر: 14 پلەی سیلیزی
پیرمام: 10 پلەی سیلیزی
سۆران: 11 پلەی سیلیزی
حاجی ئۆمەران: 5 پلەی سیلیزی
سلێمانی: 12 پلەی سیلیزی
چەمچەماڵ: 13 پلەی سیلیزی
دهۆک: 11 پلەی سیلیزی
زاخۆ: 12 پلەی سیلیزی
هەڵەبجە: 14 پلەی سیلیزی
گەرمیان: 17 پلەی سیلیزی