میدیای تورکیا بڵاویکردەوە کە لە دەریای رەشدا بە درۆن هێرش کراوەتە سەر کەشتییەکی نەوتهەڵگری تورکیا و زیانی بەر کەوتووە.
ئەمڕۆ پێنجشەممە، میدیای تورکیا بڵاویکردەوە کە درۆنێک بەر کەشتی نەوتهەڵگری “ئاڵتورا” کەوتووە کە لە ڕووسیاوە بەڕێکەوتووە و 140 هەزار تۆن نەوتی هەڵگرتبوو.
ڕوونیشیکردەوە کە هێرشەکە لە دەریای ڕەش و لە دووری 15 میل لە گەرووی بۆسفۆری ئیستانبوڵ ئەنجامدراوە.
میدیای تورکیا ئەوەشی بڵاوکردەوە کە دوای ئەوەی کەشتییەکە داوای یارمەتیی بەپەلەی کرد، تیمەکانی ئاسایشی کەناراوەکان و پاسەوانی کەناراوەکان و کەشتیی فریاکەوتن رەوانەی شوێنی رووداوەکە کراون.
کەشتییەکە لەلایەن ستافێکی 27 کەسییەوە سەرپەرشتی دەکرێت، بەگوێرەی زانیارییەکان سەرجەمیان سەلامەتن.