قایمقامیەتی سلێمانی ئاگاداری هەموو نانەوخانەکان دەكاتەوە، کە نرخی نان زیاد نەکەن و کێشی گونک کەم نەکەنەوە، ئەگەرنا توشی سزا و لێپێچینەوەی توند دەبن.
لیژنەکانی قایمقامیەتی سلێمانی بڵاویكردەوە، هەر نانەوایەک 8 نانی فرۆشت بەهەزار دینار دەبێت کێشی گونکەکانی لە ٩٠ بۆ ٩٥ گرام کەمتر نەبێت.
ڕاشیگەیاندووە، هەر نانەواخانەیەك ئەگەر 6 نانی فرۆشت بەهەزار دینار دەبێت کێشی گونکەکانی لە ١٣٠ بۆ ١٣٥ گرام بێت.
جەختیشی كردۆتەوە، هەر نانەوایەک کێشی ئەم گونکانە کەم بکاتەوە لەهەر شوێنێک بێت، لێپێچینەوەی توندی لەگەڵدا دەکەین و لێی قبوڵ ناکرێت، چونکە ئەمە قوتی خەڵکە و هاوکاری زۆری نانەوخانەکان کراوە.