ساڵی 1988 پاش كارەساتی كیمیاییبارانی هەڵەبجە، ڕژێمی بەعس بڕیاریدا شاری سەیدسادق خاپوور بكات، هەربۆیە لە 10ڕۆژی كۆتایی مانگی ئازاری 1988 تەواوی شاری سەیدسادقی خاپوور كرد.
ڕەهەندە مێژووییەکانی خاپوورکردنی سهیدسادق (١٩٨٨)
🔴پڕۆسەی خاپوورکردنی سەیدسادق لە کۆتایییەکانی ئاداری ١٩٨٨ دەستی پێکرد، تەنیا چەند ڕۆژێک دوای کارەساتی کیمیابارانی هەڵەبجە، وەک بەشێک لە زنجیرە تاوانەکانی ڕژێمی بەعس دژ بە ناوچە شۆڕشگێڕەکان.
🔴ڕژێمی بەعس تەنیا بە ڕوخاندنی خانوەکان نەوەستا، بەڵکو شارەکەی بە شێوەیەکی سیستماتیک ، بە تەواوەتی لەگەڵ زەوی تەخت کرد، بەجۆرێک زۆرینەی هاووڵاتییان کاتی ئەوەیان نەبوو تەنانەت پێداویستییە سەرەتاییەکانی ناو ماڵەکانیشیان ڕزگار بکەن.
🔴بەهۆی خێرایی پڕۆسەی خاپوورکردنەکەوە، خەڵکی شارەکە نەک هەر شوێنی نیشتەجێبوونیان لەدەستدا، بەڵکو هەموو سەرمایە و دارایی چەندین ساڵەیان لەژێر خاپوورەکاندا مایەوە و بوونە ئاوارەی ناوچە جیاوازەکان.
