فۆرد پەردە لەسەر “وەحشە وەرزشییە” نوێیەکەی لادەبات

کۆمپانیای فۆرد، لە مانگی یەکی ڕابردوودا، نەوەی نوێی ئۆتۆمبێلە “موستانگ”ەکانی لەژێر ناوی “Dark Horse sc“ ئاشکرا کرد، تا ڕکابەری باشترین ئۆتۆمبێلە سیدانە وەرزشییەکانی ئێستا بکات.

هەرچەندە فۆرد بە فەرمی نرخی ئەم مۆدێلە نوێیەی ڕانەگەیاندووە، بەڵام بەڵگەیەک کە لەلایەن “کیلی ئایکن” لە کۆمپانیای “کیلتراک” (تایبەت بە سیستەمی هەڵواسینی ئۆتۆمبێل) بڵاوکراوەتەوە، ئاماژە بەوە دەکات کە Dark Horse sc زۆر گرانبەها دەبێت. بەپێی یاداشتێکی ناوخۆیی یەکێک لە بریکارەکان، نرخی سەرەتایی ئۆتۆمبێلەکە لە 108.6 هەزار دۆلار دەست پێدەکات، کە تێچووی گەیاندن و باجی سووتەمەنیش دەگرێتەوە.

فۆرد مۆدێلی Dark Horse sc لەگەڵ پاکێجێکی تایبەت بە ناوی (Track Package) پێشکەش دەکات کە ئەمانە لەخۆ دەگرێت:

• باڵێکی دواوەی گەورەتر کە بە دەست ڕێکدەخرێت.

• سیستەمی دامپەری “ماگنی ڕاید” (MagniRide).

• ویلەکانی لە ڕیشاڵی کاربۆن (Carbon Fiber).

• تایەی میشلان پایڵۆت سپۆرت و برەیکی سیرامیک کاربۆن.

لە ناوەوەی ئۆتۆمبێلەکەدا، ئەم پاکێجە کورسییە وەرزشییەکانی “ڕیکارۆ” لەخۆ دەگرێت و کورسییەکانی دواوە لادەبرێن. بەڵام ئەم گۆڕانکارییانە تێچوویەکی زۆریان هەیە، چونکە بەپێی بەڵگەنامەکە، پاکێجی تراک نرخەکە بۆ 144,985 دۆلار بەرز دەکاتەوە.

وەشانێکی تایبەت لە پاکێجی “تراک پاک” دەخرێتە ڕوو کە تایبەتمەندییەکانی بریتین لە:

• سەقفێکی ڕەنگ ڕەشی بۆیەکراو و نەخشی سوور.

• دیزاینی کاربۆن فایبەر و تیتانیۆم لە ناوەوەدا کە بە تەکنەلۆژیای “چاپی سێ ڕەهەندی” دروستکراوە (ئیلهامی لە مۆدێلی GTD وەرگرتووە).

ئەم شێوازە وەرزشییە نرخەکەی دەگەیەنێتە 175,965 دۆلار، کە نزیکەی 30,980 دۆلار لە فێری بنەڕەتی گرانترە.